Milliy sertifikat nafaqat o‘qituvchilar, balki abituriyentlar uchun ham muhim imtiyozlarni taqdim etadi. Ushbu sertifikatga ega bo‘lganlar qo‘shimcha ball yoki ustamalarga ega bo‘lishlari mumkin. Quyida milliy sertifikatning asosiy afzalliklari keltirilgan.
➖Agar o‘qituvchi milliy sertifikat imtihonida 80% yoki undan yuqori natijaga ega bo‘lsa, uning oylik maoshiga 20% ustama qo‘shiladi.
Agar abituriyent 86% yoki undan yuqori natijani qo‘lga kiritsa, u quyidagi imtiyozlarni qo‘lga kiritadi:
- 1-blok fani bo‘lsa – 93 ball
- 2-blok fani bo‘lsa – 63 ball
- Majburiy fan (10 talik test) bo‘lsa – 11 ball
- Agar natija 60% dan 85% gacha bo‘lsa, foizga nisbatan proporsional ball beriladi.Masalan, 80% natijaga ega bo‘lgan abituriyentga 93 ballning 80 foizi (74,4 ball) beriladi.
➖Agar ona tili majburiy fan bo‘lsa va abituriyent milliy sertifikat imtihonidan 60% yoki undan yuqori natijaga ega bo‘lsa, unga majburiy ona tili fani uchun maksimal 11 ball beriladi.
➖Milliy sertifikat o‘qituvchilarga qo‘shimcha oylik ustama, abituriyentlarga esa kirish imtihonlarida qo‘shimcha ball olish imkonini yaratadi. Yuqori natijaga ega bo‘lganlar tegishli fan bo‘yicha maksimal ball olishlari mumkin.