Perevod qilishda oliygohga taqdim etish lozim bo’lgan hujjatlar bilan tanishing

Talabalar uchun perevod qilishda zaruriy hujjatlar

Talabalarning hujjatlarini rasmiylashtirish va o’qishini boshqa ta’lim muassasasiga perevod jarayonida quyidagi hujjatlar talab qilinadi. Ushbu hujjatlar barcha talabalarga tegishli bo’lib, qo’shimcha hujjatlar esa faqat ayrim sharoitlarga bog’liq holda taqdim etiladi.

Umumiy talab qilinadigan hujjatlar

1. O’rta ma’lumot to’g’risidagi attestat yoki diplom asli
2. O’qishga qabul qilinganligi to’g’risida buyruqdan ko’chirma
3. Kursdan-kursga o’tganligi to’g’risida buyruqdan ko’chirma (manba)
4. Talabalar safidan chetlashtirilganligi to’g’risida buyruqdan ko’chirma
5. Akademik ma’lumotnoma yoki transkript (manba)
6. Shaxsni tasdiqlovchi hujjatdan nusxa
7. 3×4 rasm (4 nusxada)

Turmush qurish sababli o’qishini ko’chirayotgan talabalar uchun qo’shimcha hujjatlar

Agar talaba turmush qurishi sababli o’qishini ko’chirishni istasa, yuqoridagi hujjatlarga qo’shimcha ravishda quyidagilarni taqdim etishi lozim:

1. Turmush o’rtog’ining shaxsini tasdiqlovchi hujjat
2. Turmush o’rtog’ining doimiy yashash joyi to’g’risida ma’lumotnoma (manba) – QR-kodli versiyasi talab etiladi
3. Nikoh guvohnomasi

Davlat xizmatchisining ish joyi o’zgarishi sababli o’qishini ko’chirayotgan talabalar uchun qo’shimcha hujjatlar

Agar talabaning ota-onasi yoki turmush o’rtog’i davlat xizmatchisi bo’lib, ish joyi o’zgarishi sababli o’qishini ko’chirishga ehtiyoj tug’ilsa, quyidagi hujjatlar talab etiladi.

Davlat xizmatchisi ota yoki ona bo’lsa

1. Ota-onaning shaxsini tasdiqlovchi hujjat
2. Talabaning tug’ilganlik guvohnomasi (farzand ekanligini tasdiqlash uchun)
3. Ish joyi o’zgarganligi to’g’risida tegishli vazirlik ma’lumotnomasi yoki yo’llanmasi (manba)

Davlat xizmatchisi turmush o’rtog’i bo’lsa

1. Turmush o’rtog’ining shaxsini tasdiqlovchi hujjat
2. Nikoh guvohnomasi
3. Ish joyi o’zgarganligi to’g’risida tegishli vazirlik ma’lumotnomasi yoki yo’llanmasi (manba)

Muhim eslatma

Talaba tomonidan qalbaki yoki noto‘g‘ri ma’lumotlarga ega hujjatlar taqdim etilganligi aniqlangan taqdirda, o‘qishni ko‘chirish jarayoni rad etilishi mumkin. Shu sababli barcha hujjatlar haqiqiy va rasmiy manbalardan olingan bo‘lishi kerak.

Xulosa

Talabaning o’qishini ko’chirish jarayoni aniq va tartibli hujjatlar talab etadi. Yuqorida keltirilgan hujjatlar to’liq va aniq tayyorlanganda, o’qishni ko’chirish jarayoni soddaroq va tezroq amalga oshiriladi. Shuningdek, har bir hujjatning haqiqiyligi va rasmiy manbalardan olinganligi tekshirilishi lozim. Agar hujjatlar to’g’ri va to’liq topshirilsa, o’qishni ko’chirish bilan bog’liq muammolar yuzaga kelmaydi.

Shunga o’xshash post.