Milliy sertifikat imtihonlari yakunlandi

2026-yil 23-26- va 31-oktyabr kunlari geografiya, ona tili va adabiyot hamda tarix fanlaridan milliy sertifikat imtihonlari bo‘lib o‘tdi. Oxirgi sinovlar 31-oktyabr kuni tarix fanidan tashkil etildi va unda 38 600 nafar talabgor qatnashdi. Imtihonlar Qoraqalpog‘iston Respublikasi, viloyatlar va Toshkent shahrida o‘tkazildi. Umumiy hisobda 136 600 nafardan ortiq talabgor ishtirok etdi. Tartib-qoidani buzgan 48 nafar shaxs test sinovidan chetlatildi. Natijalar yigirma bir ish kuni ichida Rash modeli asosida hisoblanib, e’lon qilinadi.