Ta'lim yo‘nalishi ustuvorligi bo‘yicha qabul qanday amalga oshiriladi?

2026-yil davlat oliy ta'lim muassasalari qabuli uchun abituriyentlar ta'lim yo‘nalishi ustuvorligi variantini tanlashi mumkin. Ushbu tartibda asosiy e'tibor tanlangan yo‘nalishlar ketma-ketligiga qaratiladi.

Qabul qanday tekshiriladi?

Grant va kontrakt birgalikda hisobga olinadi

Tizim avval:

1. Birinchi yo‘nalish;
2. Ikkinchi yo‘nalish;
3. Uchinchi yo‘nalish;
4. To‘rtinchi yo‘nalish;
5. Beshinchi yo‘nalish

bo‘yicha grant yoki kontrakt asosida qabul imkoniyatini tekshiradi.

Qaysi yo‘nalishda ball yetarli bo‘lsa, o‘sha yo‘nalishga tavsiya etiladi.

Keyingi yo‘nalishlar qachon tekshiriladi?

Faqat oldingi yo‘nalishga kira olmaganda

Agar birinchi tanlovga ball yetmasa, tizim avtomatik ravishda keyingi tanlovni tekshiradi.

Birinchi mos kelgan yo‘nalishda tanlov yakunlanadi.

Agar umuman kira olmasa-chi?

Natija birinchi tanlov bo‘yicha ko‘rsatiladi

Tanlangan yo‘nalishlarning hech biriga kira olmagan abituriyentning test natijasi birinchi tanlangan yo‘nalish bo‘yicha e'lon qilinadi.

Xulosa

Ta'lim yo‘nalishi ustuvorligi grant va kontraktni alohida ajratmaydi. Tizim har bir tanlangan yo‘nalishni ketma-ket tekshiradi va birinchi mos kelgan yo‘nalishda qabul jarayonini yakunlaydi. Shu sababli yo‘nalishlarni ustuvorlik bo‘yicha to‘g‘ri joylashtirish juda muhim.