Kimlarga imtiyoz beriladi?
2019-yil 3-maydagi PQ-4306-sonli Prezident qaroriga asosan, quyidagi 5 ta xalqaro olimpiada g'oliblari davlat oliy ta'lim muassasalariga test sinovisiz va qo'shimcha imtihonsiz qabul qilish huquqiga ega:
- IMO — Xalqaro matematika olimpiadasi;
- IPhO — Xalqaro fizika olimpiadasi;
- IChO — Xalqaro kimyo olimpiadasi;
- IBO — Xalqaro biologiya olimpiadasi;
- IOI — Xalqaro informatika olimpiadasi.
Boshqa olimpiadalarda g'olib bo'lsachi?
Yuqorida sanalgan 5 ta xalqaro olimpiadadan boshqa barcha musobaqalarda g'oliblik qo'lga kiritgan o'quvchilarga test sinovisiz o'qishga kirish huquqi berilmaydi. Bu qoida faqatgina IMO, IPhO, IChO, IBO va IOI uchun amal qiladi.
Respublika olimpiadalari bo'yicha imtiyoz
Asosiy fan olimpiadalarining respublika bosqichida 1, 2 va 3-o'rinlarni egallagan ishtirokchilarga davlat OTMlariga kirish imtihonlarida mutaxassislik fani bo'yicha maksimal ball olish huquqini beruvchi sertifikat taqdim etiladi. Bu sertifikat uch yil muddat davomida amal qiladi.
Masalan, kimyo fanidan respublikada sovrindor bo'lgan talabaga kimyo fanidan maksimal ball beriladi. Agar kimyo 1-mutaxassislik fani bo'lsa — 93 ball, agar 2-mutaxassislik fani bo'lsa — 63 ball qo'yiladi. Boshqa fanlarni o'zi topshirishi kerak bo'ladi.
Eslatma: informatika va axborot texnologiyalari fanidan respublika fan olimpiadasida sovrindor bo'lgan o'quvchilarga mutaxassislik fani sifatida matematikadan maksimal ball beriladi.
Xulosa
Faqat IMO, IPhO, IChO, IBO va IOI g'oliblari to'liq imtihonsiz qabul qilinadi. Respublika bosqichida sovrindor bo'lganlar esa faqat o'sha fan bo'yicha maksimal ball bilan imtiyozlanadi.
Javoblar (0 )