Saida Mirziyoyeva Zakovat-Gambit shaxmat turniri g‘oliblarini taqdirladi. Joriy yilda o‘tkazilgan musobaqa 6 mingga yaqin ishtirokchini birlashtirdi. Bu ko‘rsatkich o‘tgan yilga nisbatan ikki barobar ko‘pdir. Ishtirokchilarning 633 nafarini ayol va qizlar tashkil etdi.
Prezident Administratsiyasi rahbari O‘zbekiston xalqaro shaxmat maydonida yuqori natijalarga erishayotganini qayd etdi. Uning so‘zlariga ko‘ra, yurtimizda har bir insonning aqliy salohiyatini namoyon etish uchun qulay muhit shakllanmoqda.
Saida Mirziyoyeva Zakovat loyihasi iqtidorli yoshlarni kashf etish bilan birga, tafakkur madaniyatini, mustaqil fikrlash va oqilona qarorlar qabul qilish ko‘nikmalarini shakllantirishga xizmat qilishini ta’kidladi.
