B1 sertifikatiga ega abituriyentlar uchun muhim yangilik
2026-yildan boshlab chet tili fani mavjud bo‘lgan bakalavriat yo‘nalishlariga hujjat topshirayotgan abituriyentlar uchun yangi imtiyoz joriy etildi.
Maksimal ballning 75 foizi beriladi
Milliy yoki xalqaro tan olingan B1 darajadagi sertifikatga ega abituriyentlarga chet tili fanidan belgilangan maksimal ballning 75 foizi avtomatik tarzda hisoblab beriladi.
Sertifikatlar bo‘yicha yana qanday yangiliklar bor?
TOEFL iBT baholash tizimi yangilandi
TOEFL iBT sertifikatlari uchun muvofiqlik darajasi endilikda 1–6 ballik tizim asosida aniqlanadi.
TKT, TESOL, TEFL va TESL sertifikatlari
Pedagog xodimlarga ustama tayinlashda mazkur sertifikatlarning amal qilish muddati ham hisobga olinadi.
O‘qituvchilar uchun qo‘shimcha rag‘batlar
Xorijiy til sertifikati uchun ustamalar
Kasbiy ta’lim muassasalari pedagoglariga:
- B2 uchun 50 foiz;
- C1 uchun 100 foiz ustama belgilanadi.
Musiqa va jismoniy tarbiya o‘qituvchilariga ham imtiyoz
Umumta’lim maktablaridagi musiqa madaniyati hamda jismoniy tarbiya fani o‘qituvchilariga B+ va undan yuqori darajadagi sertifikatlar uchun ustama beriladi.
Xulosa
Yangi tartib xorijiy tilni bilish darajasini tasdiqlovchi sertifikatlarga bo‘lgan talab va qiziqishni yanada oshiradi. Ayniqsa, B1 sertifikatiga ega abituriyentlar OTMga kirishda sezilarli ustunlikka ega bo‘lishadi.
Javoblar (0 )